بریلی میں دسویں اور بارہویں جماعت میں ضلع کا نام ریاستی سطح پر روشن کرنے والی طالبات کو پریزنٹیشن لیٹر دیکر اعزاز سے نوازا گیا۔
'بیٹی بچاؤ بیٹی پڑھاؤ' مہم کے تحت، بریلی میں دسویں اور بارہویں کلاس کو ٹاپ کرنے والی دس طالبات کو اعزاز سے نوازنےکی تقریب وکاس بھون میں منعقد ہوئ جہاں ضلع مجسٹریٹ نے تمام طالبات کو سفید کیپ پہنا کر حوصلہ افزائ کی۔
ڈسٹرکٹ پروبیشن آفیسر نیتا اہیروار نے بتایا کہ پریزنٹیشن لیٹر کے ساتھ ساتھ تمام طالبات کو پانچ پانچ ہزار روپے بھی دیے گئے ہیں۔ جو براہ راست بچیوں کے اکاؤنٹ میں پہنچیں گے۔
اس رقم سے طالبات کو تعلیم حاصل کرنے میں معاشی مدد ملےگی۔ اس کے علاوہ اُن کے مستقبل کے بابت کچھ خاص نکات پر ضروری مشورے بھی دیئے گئے۔ ڈی ایم نتیش کمار نے تمام طالبات کو کھیلوں میں سخت محنت کرنے کے ساتھ ساتھ مطالعہ کرنے پر بھی توجہ دینے کا درس دیا۔
افسران کا کہنا ہے کہ حکومت کی نیت کے مطابق آج اس اعزاز کی تقریب کا انعقاد کیا گیا ہے۔ یوپی حکومت چاہتی ہے کہ طالبات تعلیم حاصل کریں اور اہم عہدوں پر فائز ہوں، جس کے لئے آج سے ہی یہ مہم چلائی جارہی ہے۔
