بارہمولہ: شمالی کشمیر کے ضلع بارہمولہ کے کریری علاقہ میں ہونے والے انکاؤنٹر میں جیش محمد سے وابستہ تین عسکریت پسندوں کے علاوہ ایک پولیس اہلکار بھی ہلاک ہوا جسے اعلیٰ پولیس افسران نے خراج عقیدت پیش کیا۔ ہلاک پولیس اہلکار کی شناخت مدثر احمد ولد مقصود احمد کے طور پر ہوئی جو اوڑی کا رہنے والا تھا۔ Encounter in Baramulla
ذرائع کے مطابق ایک سینٹرو کار (JK09A 7075) نجی بٹ علاقہ سے گزر رہی تھی جس کے دوران وہاں پر فوج سی آر پی ایف اور پولیس نے ایک مشترکہ ناکہ لگایا تھا۔ اس کار میں عسکریت پسند سوار تھے اور انہوں نے فورسز پر گولیاں چلائیں جس کے نتیجے میں ایک پولیس اہلکار ہلاک ہو گیا۔ اس کے بعد فورسز کی جوابی کارروائی میں تین عسکریت پسندوں کو مار گرایا گیا۔ آئی جی پی وجے کمار، پولیس، سی آر پی ایف اور فوج نے ڈسٹرکٹ پولیس لائن بارہمولہ میں منعقدہ تقریب میں ہلاک پولیس اہلکار مدثر احمد ولد مقصود احمد کو خراج عقیدت پیش کیا۔
