اوڑی: نوجوان نے خودکشی کی

شمالی کشمیر کے ضلع بارہمولہ میں اوڑی کے گووالٹا علاقے میں ایک نابالغ لڑکے نے اپنے گھر میں پھانسی لگاکر خودکشی کرلی۔

ایک پولیس افسر نے بتایا کہ لڑکا گھر کے اندر لٹکا ہوا پایا گیا۔ پولیس افسر نے مزید بتایا کہ لڑکے کو ایس ڈی ایچ اوڑی پہنچایا گیا، جہاں ڈاکٹرز نے اسے مردہ قرار دے دیا۔

انہوں نے کہا کہ خودکشی کی وجوہات کو جاننے کی کوشش کی جارہی ہے اور اس سلسلے میں کیس درج کرکے مزید کارروائی تیز کردی گئی ہے۔

پوسٹ مارٹم ہونے کے بعد لاش کو لواحقین کے حوالے کردیا جائے گا، اس واقعہ کے بعد علاقے میں غم کا ماحول ہے۔