شمالی کشمیر کے ضلع بانڈی پورہ کے سرحدی علاقہ کنزلون میں مقامی بے روزگار افراد نے ایک احتجاجی مظاہرہ کیا جس میں ان کا مطالبہ تھا کہ بیکن کی پوٹر بھرتی میں انہیں بھی گزشتہ سالوں کی طرح شامل کیا جائے۔ احتجاج میں شامل افراد کا کہنا تھا کہ 'ہر سال بیکن اس علاقے میں پوٹر کی بھرتی کے لیے 70 افراد کے قریب مزدوروں کو کام پہ لگاتا تھا تاہم اس سال یہاں سے کچھ ہی افراد کو بھرتی میں شامل کیا گیا ہے۔ جس کہ وجہ سے درجنوں نوجوان بے روزگار ہوگئے ہیں۔ Kanzalwan Residents Protest in Bandipora
- یہ بھی پڑھیں: Potters Struggle as Demand for Clay Stuff Goes Down: مٹی کے برتن بنانے کی روایت ختم ہونے کے دہانے پر
انہوں نے بی آر او کے اعلیٰ عہدیداروں سے مطالبہ کیا کہ گزشتہ سالوں کی طرح انہیں بھی اس بھرتی میں شامل کیا جائے تاکہ وہ بھی اپنے اہل خانہ کی کفالت کرسکیں۔ انہوں نے کہا کہ 'اگر انہیں اس بھرتی میں شامل نہیں کیا گیا تو ان کے گھروں میں فاقہ کشی کی نوبت پہنچ جائے گی۔ ادھر مقامی بی ڈی سی چیئرمین مختار احمد لون نے بھی مزدوروں کی حمایت کی اور بی آر او کے اعلیٰ عہدیداروں سے گزارش کی کہ ان مزدوروں کو بیکن میں پوٹر کام کے لیے شامل کیا جائے۔
