شمالی کشمیر کے ضلع بانڈی پورہ پورہ میں کورونا وائرس سے متاثرہ افراد کی تعداد میں لگاتار کمی واقع ہورہی ہے - آج ڈاکٹرس ڈے کے موقع پر بانڈی پورہ بلاک میڈکل آفیسر ڈاکٹر مسرت اقبال نے ایک پریس کانفرنس سے خطاب کرتے ہوئے کہا کہ ضلع بانڈی پورہ گزشتہ برس کووڈ 19 کے حوالے سے کافی متاثرہ ضلع تصور کیا جارہا تھا ،تاہم ان دنوں کورونا وائرس کی لہر پر یہاں دھیرے دھیرے کمی واقع ہورہی ہے -
قابل ذکر ہے کہ ڈاکٹر مسرت اقبال کو آج جموں و کشمیر سطح پر بانڈی پورہ کے ویین گاؤں میں صد فیصد ویکسینیشن اور ضلع میں کورونا وائرس کی مینجمنٹ کے تعلق سے ایک اعزاز سے بھی نوازا گیا -
یہ بھی پڑھیں:
انہوں نے پریس کانفرنس میں کہا کہ وہ اس اعزاز کا مستحق ضلع کے تمام فرنٹ لائن ورکرز کے علاوہ میڈیا سے وابستہ افراد کو قرار دیتے ہیں کیونکہ ان سب کی وجہ سے ضلع بانڈی پورہ میں کورونا وائرس کی لہر پر قابو پایا گیا -
انہوں نے مزید بتایا کہ ایک وقت ایسا تھا جب ضلع بانڈی پورہ کورونا وائرس سے متاثرہ کیسز میں اول نمبر پہ تھا اور آج یہی ضلع آخری نمبر پر ہے جس سے اندازہ لگایا جاسکتا ہے کہ ضلع میں کورونا وائرس کی صورتحال کس قدر بہتر ہوئی ہے۔
انہوں نے لوگوں سے ماسک ،سماجی دوری اور احتیاتی تدابیر پر عمل کرنے کی اپیل بھی کی ہے۔
