جموں وکشمیرکی بانڈی پورہ پولیس ایس ایس پی بانڈی پورہ محمد زاہد کی نگرانی میں منشیات کے خلاف اپنی مہم جاری رکھی ہوئی ہے۔ مہم کو جاری رکھتے ہوئے پولیس نے دو منشیات فروشوں کو گرفتار کیا ہے اور ان کے قبضے سے ممنوعہ اشیاء برآمد کیں۔
تفصیلات کے مطابق نشاط پارک بانڈی پورہ کے قریب کی گئی ناکہ بندی کے دوران، دو افراد مشکوک انداز میں ناکے کی طرف بڑھتے ہوئے دکھائی دیے۔ جس پر انھیں رکنے کے لئے کہا گیا۔ ان کی شناخت رقیب احمد نداف ساکن نیبری پورہ اور میر راجہ ساکن نوپورہ ناز کالونی بانڈی پورہ کے طور پر ہوئی۔
تلاشی پر ان کے قبضے سے اسپاسمروکسیوان ( ڈرگ) کے 414 کیپسول برآمد کیے گئے۔ اس سلسلے میں پولیس نے ایف آئی آر درج کی ہے اورمزید تفتیش جاری ہے۔
