فوجی اہلکاروں کا قابل ستائش اقدام

سیلاب کی وجہ سے شاہراہ کو شدید نقصان پہنچا جس کی وجہ سے لوگوں سے رابطہ منقطع ہوگیا ہے اور بچے اسکول جانے سے بھی قاصر ہیں۔ فصلیں تباہ و برباد ہوگئی ہیں۔

بانڈی پورہ میں بادل پھٹنے سے علاقے ہدبل، اہم شریف اور پنار میں سیلاب جیسی صورت صورت حال پیدا ہوگئی ہے۔
سنروانی میں قائم فوج نے اہم شریف، ہدبل اور پانار میں لوگوں کی مدد کے لیے سامنے آئی ۔ امدادی کاموں کے دوران انہوں نے لوگوں سے گفتہ شنید کر کے سیلاب سے پیدا شدہ صورتحال کا جائزہ لیا۔
فوجی اہلکاروں نے مکانوں اور سڑکوں سے سیلابی ملبہ کو صاف کیا اس کے علاوہ لوگوں میں غذائی اجناس اور صاف پانی بھی مہیا کرایا۔

فوجیوں نے طبی جانچ اور مفت ادویات بھی تقسیم کیے۔ جس سے مقامی لوگوں نے فوج کے اس اقدام کی کافی ستائش کی۔ اہم شریف اور ہدبل کی سڑکوں کو سیلاب کی وجہ سے شدید نقصان پہنچا جس سے پوری بستی کے زمینی رابطے سے منقطع ہوگئی ہیں۔ ضلع انتظامیہ کے افسران کا کہنا ہے کہ ہدبل، اہم شریف اور پانار علاقوں میں ہوئے نقصنات کا تخمینہ لگانے کے لیے ٹیمیں بھیج دی گئی ہیں اور رپورٹ مکمل ہونے کے بعد ہی معاوضہ فراہم کیا جائے گا۔