اورنگ آباد: لکھیم پور کھیری معاملے کے خلاف ایس ڈی پی آئی نے احتجاج کیا

ریاست مہاراشٹر کے ضلع اورنگ آباد میں لکھیم پور کھیری معاملے کے خلاف سوشل ڈیموکریٹک پارٹی آف انڈیا (ایس ڈی پی آئی) نے احتجاج کیا۔

ایس ڈی پی آئی نے احتجاج کرتے ہوئے یوپی کی یوگی حکومت کو فوری برخاست کرنے کا مطالبہ کیا اور مہلوک کسانوں کے اہل خانہ کو ایک کروڑ روپیے کا معاوضہ دینے کا مطالبہ کیا۔

ایس ڈی پی آئی نے اترپردیش کے لکھیم پور کھیری میں کسانوں کی اموات کے خلاف اورنگ آباد میں احتجاجی دھرنا دیا۔

ایس ڈی پی آئی کا کہنا ہے کہ، 'یہ حادثہ نہیں بلکہ دانستہ قتل ہے، اس لیے اترپردیش کی یو گی حکومت کو فوری برخاست کردینا چاہیئے۔'

ایس ڈی پی آئی نے مہلوک کسانوں کے اہل خانہ کو ایک کروڑ روپئے معاوضہ اور اس پورے معاملے کی سٹنگ جج کے ذریعے اعلیٰ سطحی جانچ کا مطالبہ کیا۔

اورنگ آباد میں ایس ڈی پی آئی کے احتجاج کو پولیس نے بروز قوت فوری منتشر کردیا، تاہم کوئی گرفتاری عمل میں نہیں آئی۔