اورنگ آباد میں منایا گیا سرسید ڈے

ریاست مہاراشٹر کے اورنگ آباد شہر میں سرسید ڈے منایا گیا۔ علمی و ادبی سرگرمیوں میں مصروف خواتین نے معمار قوم کو یاد کیا اور ساتھ ہی خواتین نے اورنگ آباد میں علی گڑھ مسلم یونیورسٹی کے سب سینٹر کے قیام کا پرزور مطالبہ بھی کیا۔

معمار قوم سر سید احمد خان کے یوم پیدائش پر مہاراشٹر کے اورنگ آباد میں سر سید ڈے منایا گیا۔ اس موقع پر تعلیمی اور ادبی میدان میں سرگرم خواتین نے سر سید احمد خان کی جہد مسلسل، تعلیمی سرگرمیاں اور ان کے مشن پر مفصل روشنی ڈالی۔

اس موقع پر نئی نسل کو تعلیمی مسابقت میں حصہ لینے اور مراٹھواڑہ میں اے ایم یو کی نہج پر تعلیمی سرگرمیوں کو پروان چڑھانے کے لیے اورنگ آباد میں اے ایم یو سب سینٹر کی پرزور وکالت کی گئی۔ دانشوروں نے اورنگ آباد میں اے ایم یو شاخ کے قیام کو وقت کی ضرورت قرار دیا ہے۔