اشوک چوہان کو صدارتی عہدے سے ہٹانے کا مطالبہ

ریاست مہاراشٹر کے ضلع اورنگ آباد میں مراٹھا ریزرویشن کی سمنوئے سمیتی (کو-آرڈینیشن کمیٹی) کی جانب سے ایک پریس کانفرنس منعقد ہوئی۔ اس موقع پر کمیٹی کی ذمہ داروں نے اشوک چوہان کو ہٹانے کا مطالبہ کیا، اشوک چوہان ریاستی حکومت کی تشکیل کردہ ریزرویشن سمیتی کے صدر ہیں۔

مراٹھا ریزرویشن رابطہ کمیٹی نے ریزرویشن کمیٹی کے صدر اور سابق وزیراعلی اشوک چوہان کو کمیٹی کے صدارتی عہدے سے ہٹانے کا مطالبہ کیا ہے رابطہ کمیٹی کا الزام ہیکہ اشوک چوہان ٹال مٹول سے کام لے رہے ہیں اس لیے سپریم کورٹ میں معاملہ زیر التوا ہے۔

مراٹھا ریزرویشن سمنوئے سمیتی نے 17 اگست کو ریاست گیر سطح پر 'جاگرن آندولن' کرنے کا انتباہ دیا ہے اس کے علاوہ سمیتی ریاست کے تمام ارکان اسمبلی و ارکان پارلیمان کو مکتوب دے کر انھیں مراٹھا ریزرویشن کے تعلق سے نمائندگی کرنے کی اپیل کی ہے۔

مراٹھا ریزرویشن سمنوئے سمیتی نے ریاستی حکومت پر مراٹھا ریزرویشن کے معاملے میں دوہرا رویہ اپنانے کا بھی الزام عائد کیا ہے۔