لاک ڈاؤن کے دوران مہاراشٹر کے اورنگ آباد شہر کی درجنوں فلاحی تنظیموں کے سینکڑوں رضاکاروں نے اپنی جان داؤ پر لگا کر مستحق اور ضرورت مندوں کی ضرورت پوری کرنے کی کوشش کی۔
شہر کی تنظیم مسلم یوتھ فورم نے ایسے ہی ہونہار اور بے لوث نوجوانوں کی اپنے طور پر نشاندہی کی اور ان کی بے لوث خدمت کا اعتراف کرتے ہوئے انہیں 'محبوب اورنگ آباد' ایوارڈ سے نوازا۔ یہ اعزاز معروف اسکالر عبدالقوی فلاحی کی صدارت میں منعقد ایک تقریب کے دوران ان نوجوانوں کو دیا گیا۔
اورنگ آباد میں لاک ڈاؤن جاری ہے اور کاروبار کی مشروط اجازت دی گئی ہے جس کی وجہ سے کئی لوگ آج بھی روزگار سے محروم ہیں۔ شہر کے نوجوان ایسے لوگوں کی پریشانیون کو کم کرنے میں مصروف ہے۔ ایسے 40 سے زیادہ رضاکاروں کو جن میں صحافی برادری کے لوگ بھی شامل ہے 'محبوب اورنگ آباد' سے نوازا گیا ہے۔
منتظم کا کہنا ہے کہ ایوارڈ کسی کی کارکردگی کو ناپنے کا پیمانہ نہیں ہوسکتا لیکن اس سے کام کرنے والوں کی حوصلہ افزائی ہوتی ہے اور دوسروں کو بھی ترغیب ملتی ہے اسی لئے معاشرے میں میں ایوارڈ کی تقریب ہونی چاہیے۔
