ریاست اترپردیش کے ضلع علی گڑھ تھانہ کوارسی کے صمد روڈ پر دو موٹرسائیکل سوار بدمعاشوں نے لوٹ پاٹ کی واردات انجام دی۔
آپ کو بتا دیں کہ بدمعاش، طمنچہ کے زور پر ایل آئی سی کے کلیکشن ایجنٹ سے 22 لاکھ روپے لوٹ کر فائرنگ کرتے ہوئے فرار ہو گئے۔ اس معاملے میں تین افراد شدید زخمی ہوئے ہیں جنہیں علاج کے لئے میڈیکل کالج میں داخل کرایا گیا ہے۔
ایل آئی سی ایجنٹ رجت شرما معمول کے مطابق ایل آئی سی کا پیسہ 'یو سی او' بینک میں جمع کرانے جا رہے تھے، تبھی صمد روڈ پر رجت شرما سے دو موٹرسائیکل سواروں وین کے اندر سے بیگ چھین لیا۔
اس دوران جب 'سی ایم ایس' کمپنی کے سکیورٹی گارڈز نے ان شرپسندوں کو پکڑ نا چاہا تو انہوں نے ان پر فائرنگ کردی گولی سیکیورٹی گارڈز کو نہیں لگی بلکہ دوسرے تین افراد گولی سے زخمی ہوئے جن میں دو خواتین اور ایک نوجوان شامل ہیں۔بدمعاش نے طمنچہ کے بٹ سے سیکیورٹی گارڈز پر حملہ کر فرار ہو گئے۔
فائرنگ سے صمد روڈ پر افراتفری کا ماحول پیدا ہو گیا کیونکہ یہ سڑک شہر کی سب سے مصروف سڑک ہے۔ لوٹ مار کی اطلاع ملتے ہی ایس ایس پی، ڈی آئی جی سمیت پولیس ٹیم موقع پر پہنچ کر اعلی افسران نے موقع پر ہی تفتیش شروع کردی ہے۔
بدمعاش تقریبا 22 لاکھ روپے لوٹ کر فرار ہوگئے انہیں پکڑنے کے لئے پولیس کی ایک ٹیم تشکیل دی گئی ہے۔ سی سی ٹی وی فوٹیج کے ذریعے شرپسندوں کو پکڑنے کی کوشش کی جارہی ہے۔
