اے ایم یو ریزیڈینشیئل کوچنگ اکیڈمی کے 13 طلبہ و طالبات نے اترپردیش پبلک سروس کمیشن(یو پی پی ایس سی) کے ذریعہ منعقدہ یو پی پی ایس سی امتحان 2018 میں کامیابی حاصل کی ہے۔ کمیشن نے 23 جون 2020 کو نتائج کا اعلان کیا ہے۔کامیابی حاصل کرنے والوں میں محمد جعفر، مستجاب خاں، رضوان حسین، اروند گوتم، بشری، کلدیپ سنگھ، کنور پال سنگھ، مان رکھن لال، شمیکشا شرما، سنتوش کمار، شاہین، شیتل کماری اور یشپال سنگھ شامل ہیں۔
ریزیڈینشیئل کوچنگ اکیڈمی کے ڈائریکٹر پروفیسر صغیر احمد انصاری نے یہ اطلاع دیتے ہوئے بتایا کہ کوچنگ اکیڈمی کی جانب سے سبھی امیدواروں کے لیے جلد ہی آن لائن ماک انٹرویو سیشن کا بندوبست کیا جائے گا۔
