علی گڑھ مسلم کے ہاسٹلوں میں مقیم 1890 طلبہ وطالبات کے اترپردیش میں بحفاظت ان کے گھروں تک پہنچانے پر مسرت و اطمئنان کا اظہار کرتے ہوئے اس اہم ذمہ داری سے وابستہ سبھی اہلکاروں جیسے کی رجسٹرار، پراکٹر, ڈین اسٹوڈنٹس ویلفیئر اور ان کی ٹیم، سبھی اقامتی ہالوں کے پرووسٹ، وارڈن اور ڈاکٹرز سمیت انتظامیہ کے تمام افسروں کا شکریہ ادا کیا ہے۔
وائس چانسلر نے کہا پہلے مرحلے میں 37 سرکاری بسوں سے 1040 اور دوسرے دن 27 بسوں سے 850 طلبا و طالبات کو ان کے گھروں کو روانہ کیا گیا، جس میں پراکٹر آفس کے عملے کے ساتھ ہوم گارڈ کو بھی بھیجا گیا۔ ان طلباوطالبات کے لیے یونیورسٹی انتظامیہ کی جانب سے ماسک، سینیٹائزر، پینے کا پانی اور ان کی غذا کا بھی بندوبست کیا گیا تھا۔
پروفیسر طارق منصور نے اس ذمہ داری کو بحسن وخوبی انجام دینے کے لئے سبھی کا شکریہ ادا کیا۔
