ریاست اترپردیش کے شہر آگرہ میں کورونا مریضوں کی تعداد 104 ہو گئی ہے۔ اب اس بڑھتی رفتار کے پیش نظر مشتبہ مریضوں کی جانچ آگرہ ہی میں ہوگی۔
سنیچر کے روز سروجنی نائیڈو میڈیکل کالج میں کورونا وائرس کی جانچ کا ٹرائل کیا گیا ہے۔ پہلے دن 45 نمونوں کی جانچ ہوئی۔ ان تمام جانچ کو کراس چیک کے لیے کنگ جارج میڈیکل یونیورسٹی لکھنؤ بھیجا گیا ہے۔
آج سے آگرہ کے تمام کیسز کی جانچ سروجنی نائیڈو کالج میں ہی ہوگی۔ سروجنی نائیڈو کالج میں مائیکرو بایولوجی ڈیپارٹمنٹ کی وائرولوجی لیب میں کورونا مثبت کا تجربہ کیا جائے گا۔ نمونے جانچنے میں یہاں تین مرحلہ وار عمل ہوگا۔ جس میں آر این اے نکالنے کے بعد ایک اور عمل ہوتا ہے۔
ایس این میڈیکل کالج میں کورونا وائرس کی تحقیقات شروع ہورہی ہیں۔ کورونا کی جانچ اور علاج کی اب سہولت ہوگی۔ ایس این میڈیکل کالج کے شعبہ مائکروبایولوجی کے معالجین کی ٹیم کنگ جارج میڈیکل یونیورسٹی لکھنؤ سے تین دن کی تربیت لے کر آئی ہے۔ اس ٹیم میں مائکروبیالوجی شعبہ کی سربراہ ڈاکٹر آرتی اگروال اور دیگر ممبران شامل ہیں۔
اترپردیش میں کورونا کے مریضوں کی تعداد آگرہ میں سب سے زیادہ ہے۔ اب تک یہاں 104 مریض مل چکے ہیں۔ جس میں سے نو افراد کو ٹھیک کیا گیا ہے، جبکہ ایک بوڑھی عورت کی موت ہوگئی ہے۔
