پٹرول اور ڈیزل کی قیمتوں میں استحکام رہا

پٹرول اور ڈیزل کی قیمتوں میں بدھ کے روز کوئی تبدیلی نہیں کی گئی۔ اس سے قبل ان کی قیمتوں میں لگاتار دو دن تک اضافہ ہوا تھا۔

معروف آئل مارکیٹنگ کمپنی انڈین آئل کارپوریشن کی ویب سائٹ کے مطابق قومی دارالحکومت دہلی میں آج پٹرول 94.49 روپے اور ڈیزل 85.38 روپے فی لیٹر ریکارڈ سطح پر مستحکم رہا۔ گزشتہ چار مئی سے اب تک 17 دن ان کی قیمتوں میں اضافہ کیا گیا ہے جبکہ باقی 13 دن قیمتوں میں کوئی تبدیلی نہیں کی گئی ہے۔ اس دوران دہلی میں پٹرول 4.09 روپے اور ڈیزل 4.65 روپے مہنگا ہوچکا ہے۔

دیگر بڑے شہروں میں بھی دونوں ایندھنوں کی قیمتوں میں کوئی تبدیلی نہیں ہوئی ہے۔ ممبئی، کولکاتہ اور چنئی میں پٹرول بالترتیب 100.72 ، 94.50 روپے اور 95.99 روپے فی لیٹر پر فروخت ہوا۔ ایک لیٹر ڈیزل کی قیمت ممبئی میں 92.69 روپے، چنئی میں 90.12 روپے اور کولکاتا میں 88.23 روپے رہی۔

پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنا پر روزانہ صبح 6 بجے سے نئی قیمتوں پر عمل درآمد ہوتا ہے۔

آج ملک کے چار میٹرو شہروں میں پٹرول اور ڈیزل کی قیمتیں حسب ذیل ہیں۔

شہر کا نام —— پٹرول —— ڈیزل

دہلی ———94.49 —— 85.38

ممبئی ———100.72 —92.69

چنئی ——— 95.99 -——90.12

کولکتہ ———94.50 —— 88.23

(یو این آئی)