وزیراعظم نریندر مودی کی صدارت میں مرکزی کابینہ کے اجلاس میں اس سلسلہ کی تجویز کو منظوری دی گئی۔
اجلاس کے بعد مرکزی وزیر خزانہ ارون جیٹلی نے نامہ نگاروں کو بتایا کہ اس منصوبہ کے لئے آئندہ تین برس کے دوران دس ہزار کروڑ روپے کی رقم بھی جاری کی جائے گی۔
یہ منصوبہ یکم اپریل سے نافذ ہوگا۔ اس منصوبہ کے تحت پبلک ٹرانسپورٹ کے الیکٹرفکیشن پر زور دیا جائے گا۔ اس کے علاوہ بجلی سے چلنے والی گاڑیوں کو سبسڈی دی جائے گی۔
الیکٹرونک گاڑیوں کو بڑھاوا دینے کے لئے پورے ملک میں چارجنگ اسٹیشنوں کا جال بچھایا جائے گا اور پاور گرڈ بنائے جائیں گے۔
شاہراہوں پر دونوں طرف 25کلومیٹر کے وقفہ پر چارجنگ اسٹیشن بنائے جائیں گے۔
