اسپائس جیٹ کے صدر اور مینیجنگ ڈائریکٹر اجے سنگھ نے ایک بیان میں بتایا کہ کمپنی کو لندن کے ہیتھرو ہوائی اڈے پر یکم ستمبر سے سلاٹ مل گیا ہے۔
ایئرلائن کو فی الحال دو طرفہ معاہدے کے تحت محدود پروازوں کے آپریشن کےلئے سلاٹ کا عارضی الاٹمنٹ کیاگیا ہے۔سنگھ نے کہا’’اسپائس جیٹ کو لندن کے ہیتھروہوائی اڈے پر یکم ستمبر سے پرواز کے آپریشن کے لئے سلاٹ مل گیا ہے۔
یہ ایئرلائن کےلیے بڑا میل کا پتھر ہے۔ہمیں پرواز کی آمد اور روانگی کےلئے جو سلاٹ ملے ہیں وہ مسافروں کےلئے آسان ہوں گے۔‘‘اسپائس جیٹ نے شیئر بازار کو بتایا کہ اسے دوطرفہ معاہدے کے تحت ہندوستان اور برطانیہ کے درمیان پروازوں کے آپریشن کے لئے ہندوستانی ایئرلائن کے طورپر منتخب کیاگیا تھا۔اسی نظام کے تحت ہندوستان اور طرطانیہ کے درمیان پروازوں کے آپریشن کے لئے ہندوستانی ایئرلائن کے طورپر منتخب کیاگیا تھا۔اسی نطام کے تحت اسے سلاٹ کا الاٹمنٹ کیاگیا ہے۔یہ الاٹمنٹ برطانیہ کے شہری ہوابازی کیلنڈر میں موسم گرما شیڈول کےلئے ویلڈ ہے جو 23 اکتوبر تک موثر رہے گا۔اس نے بتایا کہ کمپنی موسم سرما شیڈیول میں باقاعدہ سلاٹ الاٹمنٹ کےلئے بھی برطانیہ کے ریگولیٹرز سے بات کررہی ہے۔
