عالمی سطح پر ملنے والے منفی اشاروں کے ساتھ ہی گھریلو سطح پر کورونا وائرس کے متاثرین کی تعداد میں بڑے پیمانے پر اضافے کی وجہ سے معیشت متاثر ہونے کے خدشات کے درمیان گھریلو شیئر بازار میں آج زبردست فروخت ہوئی، جس سے بی ایس ای کا سنسیکس 871 پوائنٹس اور نیشنل اسٹاک ایکسچینج (این ایس سی) کا نفٹی 265 پوائنٹس پھسل گیا۔ اسٹاک مارکیٹ میں آج مسلسل دوسرے روز گراوٹ درج کی گئی۔
بی ایس ای کے سنسیکس میں 871.13 پوائنٹز کی ریکارڈ گراوٹ کے بعد پچاس ہزار کے نیچے آکر 49180.31 پوائنٹس پر بند ہوا جبکہ نیشنل اسٹاک ایکسچینج کا نفٹی بھی 265.35 پوائنٹس کی گراوٹ کے ساتھ 14،549.40 پوائنٹس پر بند ہوا۔ دن کے آغاز پر سنسیکس میں آج مندی کا رجحان دیکھا گیا اور سنسیکس 265 پوائنٹز کی کمی کے ساتھ کھلا اور نفٹی بھی گزشتہ روز کے مقابلے میں 102 پوائنٹس کی گراوٹ کے ساتھ کھلا۔
اس مدت کے دوران بی ایس ای کا مڈ کیپ 344.70 پوائنٹس یعنی 1.69 فیصد نیچے گر کر 20،090.53 پوائنٹس پر آگیا اور اسمال کیپ 332.13 پوائنٹس یعنی 1.60 فیصد نیچے گر کر 20،440.92 پوائنٹس پر آگیا۔
بینکنگ گروپ کی کمپنیوں میں سب سے زیادہ 971.80 پوائنٹس اور 2.53 فیصد کی گراوٹ درج کی گئی، جس کے بعد آٹو سیکٹر کی کمپنیوں میں 599.01 پوائنٹس اور 2.60 فیصد، اور کیپیٹل گڈس گروپ کی کمپنیوں میں 437.90 پوائنٹس اور 2.06 فیصد کی گراوٹ درج ہوئی۔
یو این آئی
