نئی دہلی: بین الاقوامی بازار میں بھارتی انجینئرنگ مصنوعات کی مانگ میں اضافہ ہونے کی وجہ سے موجودہ برس کے مارچ میں ان کی برآمدات میں 70 فیصد کا اضافہ درج کیا گیا۔
انجینئرنگ پروڈکٹ پروموشن کونسل آف انڈیا نے جمعہ کو یہاں بتایا کہ کورونا وبا کے بعد غیرملکی بازاروں میں بھارتی مصنوعات کی مانگ میں اضافہ ہورہا ہے۔ انجینئرنگ مصنوعات کی برآمدات مارچ میں 2021میں 70.28 فیصد اضافہ ہوا جو ایک ریکارڈ ہے۔
کونسل کے صدر مہیش دیسائی نے کہاکہ انجینئرنگ مصنوعات کی برآمدات سے پتہ چلتا ہے کہ پوری دنیا کی معیشت میں بہتری آرہی ہے، لیکن ابھی محتاط رہنے کی ضرورت ہے۔ ایک مہینہ کے اضافہ سے کوئی ٹھوس نتیجہ نہیں نکالا جانا چاہیے۔
مجموعی بھارتی برآمدات میں انجینئرنگ مصنوعات کی ایکسپورٹ کی حصہ داری تقریباً 25فیصد ہے۔ یہ زرمبادلہ کا سب سے بڑا جز بھی ہے۔ اس شعبہ میں تقریباً چالیس لاکھ لوگ کام کرتے ہیں۔
یو این آئی
