بھارت۔ ازبکستان کے درمیان شمسی توانائی کے شعبہ میں سمجھوتہ

اس سمجھوتے کے تحت دونوں فریق انٹرنیشنل سولر الائنس ( آئی ایس اے) کے رکن ممالک میں آزمائشی پروجیکٹس کے قیام اور اس پر عمل درآمد کے لیے کام کریں گے۔

وزیراعظم نریندر مودی کی زیر قیادت مرکزی کابینہ کو مطلع کیا گیا ہے کہ بھارت اور ازبکستان کے درمیان شمسی توانائی کے میدان میں تعاون کے لیے ایک مفاہمت نامے پر دستخط کیے گئے ہیں۔

یہ سمجھوتہ نیشنل انسٹی ٹیوٹ آف سولر انرجی (این آئی ایس ای) بھارت کی نئی اور قابل تجدید توانائی کی وزارت اور ازبکستان کے انٹر نیشنل سولر انرجی انسٹی ٹیوٹ کے درمیان ہوا ہے۔ اس کے تحت ریسرچ/ نمائش اور آزمائشی پروجیکٹوں کا قیام اور اس عمل درآمد کیا جائے گا۔ سمجھوتے کے تین اہم نکات درج ذیل ہیں۔

• سولر فوٹو والٹائک
• اسٹوریج ٹیکنالوجیزس
• ٹیکنا لوجی کی منتقلی

باہمی رضا مندی کے تحت دونوں فریق انٹر نیشنل سولر الائنس ( آئی ایس اے) کے رکن ممالک میں آزمائشی پروجیکٹوں کے قیام اور اس پر عمل درآمد کے لیے کام کریں گے۔