اسٹیل پیداوار میں پہچان بنانے والی کمپنی ٹاٹا اسٹیل رواں برس اپنے ملازمین کو بڑے پیمانے پر بونس دینے کا سمجھوتہ کیا ہے۔ کمپنی انتظامیہ اور یونین کے درمیان بونس سمجھوتہ کے مطابق 13675 ملازمین کے درمیان 239.61 کروڑ روپے بانٹے جائیں گے۔
ٹاٹا ملازمین یونین کے صدر نے بتایا کہ ملازمین بونس کی شکل میں ملنے والی رقم کم از کم 34734 روپے اور زیادہ سے زیادہ 268767 روپے کے طور پر ہوگی'۔
ٹاٹا اسٹیل انتظامیہ اور یونین کے درمیان سمجھوتے کے تحٹ سنہ 2018۔19 کے لیے ملازمین کو بڑے پیمانے پر بونس ملے گا، بونس سمجھوتہ میں ٹاٹا اسٹیل کے ایم ڈی ٹی وی نریندر، صدر آنند سین، وی پی ایچ آر ایم سمیت کئی دیگر ملازمین نے دستخط کیے۔
ٹاٹا ملازمین کے یونین کے صدر آر روی پرساد نے بتایا کہ گذشتہ تین برس کے فارمولے کے مطابق بونس سمجھوتہ طے ہوا ہے، انہوں نے بتایا کہ بونس کی رقم 26 ستمبر تک ملازمین کے بینک اکاؤنٹ میں چلے جائے گی، مندی کے دور میں یہ تاریخی بونس ہے'۔
یونین کے صدر نے ملازمین سے بونس کی رقم کو بہتر مستقبل کے لیے خرچ کرنے کی اپیل کی ہے'۔
