انکت تیاگی نام نوجوان میرٹھ کے پرتا پور کے جے ایس بی کمپنی میں ملازم تھے جنہیں اغوا کرنے کے بعد قتل کردیا گیا۔
پولیس نے ماہر غوطہ خور کے ذریعہ گنگ نہر سے انکت کی لاش برآمد کی ہے۔
قتل کی اس واردات سے علاقے میں خوف و ہراس کا ماحول ہے، لوگ دو فرقوں کے درمیان آپسی رنجش کا معاملہ بھی کہہ رہے ہیں۔
جبکہ ضلع ایس ایس پی نتن تیواری نے بتایا کہ ابتدائی جانچ میں تین افراد کو گرفتار گیا ہے جو اسی نجی کمپنی میں ملازمت کرتے تھے۔
ایس ایس پی کا کہنا ہے کہ کمپنی کے چند ملازمیں بدعنوانی کررہے تھے جس کا انکشاف مقتول سپروائزر انکت تیاگی نے کیا تھا۔
انکت کے اس عمل سے ناراض ہوکر بدعنوانی میں ملوث کمپنی کے تین ملازم معراج، عرفان اور ببلو نے مبینہ سازش کے تحت انکت کا قتل کردیا۔
مقامی لوگوں کا یہ بھی کہنا ہے کہ انکت کا معراج کی بیوی کے ساتھ ناجائز تعلقات تھے، لیکن دوسری جانب مقامی میڈیا کا یہ بھی کہنا ہے کہ انکت کو بجرنگ دل کا کارکن ہونے کی وجہ سے قتل کیا گیا ہے۔
فی الحال پولیس نے اس واقعہ کا پریس کانفرنس کے ذریعے انکشاف کیا ہے ملزمان سے قتل میں استعمال ہونے والے چاقو ایک گاڑی اور اسکوٹی برآمد کی ہے۔
