سیاحت کی غرض سے انڈونیشیا جانے والی برطانوی خاتون نے جزیرہ بالی میں پرواز چھوٹنے پر امیگریشن افسر سے بدتمیزی کی اور پاسپورٹ نہ دینے پر افسر کو تھپڑ رسید کردیا۔
عدالت نے واقعے کی ویڈیو سوشل میڈیا پر وائرل ہونے کے بعد کئی مرتبہ 43 برس کی اوج تقدس کو طلب کیا، تاہم وہ سماعت میں پیش نہ ہوئیں۔
انڈونیشین عدالت برطانوی خاتون کو بدھ کے روز چھ ماہ قید کی سزا سناتے ہوئے جیل منتقل کرنے کا حکم سنایا، لیکن خاتون نے عدالتی حکم کے خلاف اپیل دائر کرنے کا فیصلہ کیا۔
انڈونیشین حکام کا کہنا تھا کہ پولیس نے مسلسل ایک ہفتہ خاتون کی نگرانی کرنے کے بعد گزشتہ روز گرفتار کیا تھا، پولیس ترجمان نے بتایا کہ جب اہلکاروں نے اوج تقدس کو گرفتار کرنے لگے تو خاتون نے اہلکاروں پر تشدد کرنے کی کوشش کی۔
یاد رہے کہ چھ ماہ قبل خاتون کی ایک ویڈیو سوشل میڈیا پر وائرل ہوئی تھی، جس میں دیکھا جاسکتا ہے کہ امیگریشن افسر نے خاتون کو ویزے کی مدت ختم ہونے اور 4 ہزار ڈالر جرمانہ ادا کرنے کا بتایا تو خاتون گالی گلوچ کرنے لگی اور پاسپورٹ نہ دینے پر اہلکار کو تھپڑ رسید کردیا۔
