انہوں نے مودی کی تعریف کرتے ہوئے کہا وہ ملک کے لیے جیتے ہیں اور ملک کے لیے ہی ان کی موت ہوگی۔
ورون گاندھی نے اپنا پرچہ نامزدگی داخل کرکے وزیر اعظم نریندر مودی کی تعریف کرتے ہوئے کہا کہ طویل عرصے کے بعد ایسا وزیر اعظم ملا ہے، جس پر ہم فخر کرسکتے ہیں۔
انہوں نے کہا کہ ایک لمبے عرصے کے بعد ایک ایسا وزیر اعظم ملک کو ملا ہے جس نے کسانوں کے لیے کافی کام کیا ہے اس لیے میں ملک کی سپاہی کی طرح ہمیشہ ان کا جھنڈا لیکر کھڑا رہوں گا۔
واضح رہے کہ ورون گاندھی کو اس بار بی جے پی نے پیلی بھیت پارلیمان حلقہ سے ٹکٹ دیا ہے۔ اس سیٹ سے پہلے ان کی ماں مینکا گاندھی رکن پارلیمان تھیں جبکہ ورون گاندھی سلطان پور سے رکن پارلیمان ہیں۔
اطلاعات کے مطابق ورون گاندھی سابق وزیراعظم اندرا گاندھی کے دوسرے بیٹے سنجے گاندھی کے بیٹے ہیں۔
