ڈپٹی رجسٹرار اکیڈمکس کی دستخط شدہ آرڈر کاپی میں کہا گیا ہے کہ 30مارچ 2016 میں منعقدہ اکیڈمی کونسل کی میٹنگ میں پاس کی گئی قرار داد میں یونیورسٹی کے وائس چانسلر سے پرزور تاکید کی گئی کہ وہ یونیورسٹی میں سال 2019- 20 سے اردو صحافت میں پوسٹ گریجویئٹ ڈپلومہ کورس شروع کرنے کے احکامات صادر کریں۔
اس آڈر کاپی میں خواہش مند طلبہ کے لیے سرکاری تعلیمی قابلیت کا مکمل خاکہ اور مطلوب نشتوں کے ساتھ ساتھ فیس کی مکمل تفصیل پیش کی گئی ہے ۔
کورس کے لیے طلبہ کو گریجویئشن کے ساتھ دسویں اور بارویں جماعت میں 40 فیصد نمبرات کے ساتھ اردو مضمون ہونا لازمی قرار دیاگیا ہے۔ وہیں اردو مضمون میں ڈگری یافتہ طلبہ کے لیے 50 فیصد سیٹیں مخصوص رکھی گئی ہیں۔
ادھر اردو صحافیوں کی تنظیم انجمنِ اردو صحافت جموں و کشمیر یونیورسٹی کے تازہ فیصلے پر خوشی اور مسرت کا اظہار کرتے ہوئے کہا کہ اردو صحافت میں ابھرتے نوجوانوں کو کافی مدد ملے اور آگے جاکر اپنی پیشہ وارانہ خدمات کو مؤثر اور بہتر طریقے سے انجام دے سکیں گے۔
واضح رہے کہ حال ہی میں وادی کے سنٹرل یونیورسٹی کے گاندربل کیمپس میں ایک ورک شاپ منعقد کی گئی جس میں یونیورسٹی کے وائس چانسلر پروفیسر معراج الدین نے بھی اردو صحافت سے متعلق ایک سالہ ڈپلومہ شروع کرنے کا اعلان کیا۔
