تمل ناڈو میں خوفناک سڑک حادثہ، 20 ہلاک

کوئمبٹور ضلع میں بس اور لاری کے درمیان ہوئی ٹکر میں تقریباً 20 لوگوں کے ہلاک ہونے کی اطلاع ہے، ساتھ ہی بس میں سوار 31 لوگوں کے شدید زخمی ہونے کی بھی خبر ہے۔ تمام زخمیوں کو ہسپتال میں داخل کرایا گیا ہے۔

تمل ناڈو کے کوئمبٹور ضلع میں ایک پرائیوٹ بس اور لاری میں ہوئی شدید ٹکر سے تقریبا 20 لوگوں کے ہلاک ہونے اور 31 لوگوں کے شدید زخمی ہونے کی اطلاع ہے۔

اطلاعات کے مطابق صبح کے تقریبا 3 بجے یہ حادثہ پیش آیا۔ تمام زخمیوں کو تریپور اور کوئمبٹور میڈیکل کالج میں داخل کرایا گیا ہے، جبکہ 20 لوگوں کی موقع پر ہی موت ہوگئی۔