بانڈی پورہ میںپیپلز ڈیموکرٹیک پارٹی (پی ڈی پی) کی جانب سے ایک روزہ ورکرس کنونشن منعقد ہوا جس میں پارٹی عہدیداروں کے علاوہ کارکنان اور مقامی باشندوں نے شرکت کی۔
اس موقعے پر نظام الدین بٹ کا کہنا تھا کہ ’’اگر بی جے پی کی جانب سے کشمیر کی تشخص کو خطرہ ہے تو ریاست کی تمام سیاسی پارٹیوں کو بی جے پی کے خلاف متحد ہونا چاہیے۔‘‘
’سیاسی جماعتوں کو بھاجپا کے خلاف متحد ہونا چاہئے‘
ان کا مزید کہنا تھا کہ لوگوں کو افواہوں پر کان نہیں دینا چاہیے اور متحد ہوکر ریاست کے دشمنوں کا مقابلہ کرنا چاہیے۔
دریں اثناء نظام الدین بٹ نے خطاب کے دوران کارکنان پر زور دیا کہ وہ پارٹی کو بنیادی سطح پر مضبوط بنائیں۔
