مودی اور چین کے صدر شی جن پنگ کے درمیان آج بھارت ۔ پاکستان کے تعلقات کے بارے میں بھی بات چیت ہوئی۔
اس دوران پاکستان کے وزیراعظم عمران خان شنگھائی تعاون تنظیم کے اجلاس میں حصہ لینے کے لیے کرغزستان کے دارالحکومت پہنچے۔
خارجہ سکریٹری وجے گوکھلے کے مطابق، پاکستان کے سلسلے میں مودی اور جن پنگ کے درمیان مختصر بات چیت ہوئی اور وزیر اعظم نے کہا کہ پاکستان کو دہشت گردی کے خلاف ٹھوس کارروائی کرنی چاہیے۔
وزیراعظم نے یاد دلایا کہ 'انہوں نے اس سلسلے میں کوشش بھی کی تھی لیکن ان کوششوں کو پٹری سے اتار دیا گیا۔'
انہوں نے کہا کہ 'پاکستان کو دہشت گردی سے پاک ماحول بنانے کی ضرورت ہے اور ہمیں امید ہے کہ وہ اس سمت میں ٹھوس قدم اٹھائے گا۔'
