راہل کو توہین عدالت کا نوٹس

سپریم کورٹ، راہل گاندھی کے داخل کردہ جواب سے مطمئن نہیں ہوا اور آج اس سلسلہ میں ان کے خلاف توہین علالت کا نوٹس جاری کردیا۔

راہل گاندھی نے پیر کو اپنے، چوکیدار چور ہے والے بیان پر سپریم کورٹ سے معذرت کی تھی اور کہا تھا کہ سیاسی مہم کے دوران گرم جوشی میں یہ بیان دیا گیا تھا جبکہ 10 اپریل کو کورٹ کی جانب سے دیئے گئے بیان کو دیکھے بغیر انہوں نے یہ بیان دیا تھا اور ان کا ہرگز عدالتی کاروائی کوئی سروکار نہیں تھا۔

صدر کانگریس نے امیٹھی میں سپریم کورٹ کی کاروائی پر ردعمل ظاہر کرتے ہوئے کہا تھا کہ اب عدالت نے رفائل معاملہ میں تسلیم کرلیا ہے کہ چوکیدار چور ہے جس کے بعد راہل گاندھی کے خلاف سپریم کورٹ میں درخواست داخل کی گئی تھی۔

راہل کے معافی مانگنے کے بعد آج رنجن گوگوئی کی قیادت میں سماعت کا اغاز ہوا۔ سپریم کورٹ نے صدر کانگریس کی معافی کو نامناسب قرار دیا اور انہیں اس معاملہ میں توہین عدالت کا نوٹس جاری کیا۔