کینیڈا: چرچ میں فائرنگ، ایک ہلاک

کینیڈا میں صوبہ برٹش کولمبیا کے سالمن آرم علاقے میں چرچ میں فائرنگ سے ایک شخص کی موت ہو گئی جبکہ ایک کی زخمی ہونے کی خبر ہے۔

مقامی میڈیا نے بتایا کہ اتوار دیر رات ایک 25 برس کے شخص نے 'چرچ آف کرائسٹ' میں ایک پروگرام کے دوران دو افراد کو گولی مار دی۔

اس حملے میں ایک شخص کی موت ہو گئی جبکہ دوسرا شخص زخمی ہو گیا۔

اطلاع کے مطابق مشتبہ شخص کو حراست میں لے لیا گیا ہے۔

پولیس نے بتایا کہ موصولہ اطلاع کے مطابق حملہ آور متاثرین میں سے ایک کو پہلے سے جانتا تھا، تاہم اب تک یہ واضح نہیں ہو سکا ہے کہ اس نے کسی مذہبی وجہ سے یہ حملہ کیا یا حملہ کرنے کی کوئی اور وجہ تھی۔

خیال رہے کہ متوفی 78 برس کے تھے، جبکہ زخمی کو ہسپتال میں داخل کرایا گیا ہے، جہاں اس کا علاج چل رہا ہے۔