'طلبا کو اپنے شعبے میں بہتر کارکردگی سے شناخت بنانی چاہیے'

ریاست بہار کے گیا ضلع کے بودھ گیا میں واقع آئی آئی ایم میں لگاتار دوسرے سال کانوکیشن کا اہتمام کیا گیا۔

کانوکیشن کے مہمان خصوصی مرکزی حکومت کے معاشی مشیر کرشن مرتی سبھرا منیم تھے۔

کانوکیشن میں طلبہ و طالبات کو ایم بی اے کی ڈگری سے سرفراز کیا گیا۔

تقسیم اسناد کے پروگرام کا آغاز چیئرمین اودے کوٹک اور ڈائرکٹر ونیتا سہائے نے شمع روشن کرکے کیا۔

اس موقع پر طالب علموں سے خطاب کرتے ہوئے ونیتا سہائے نے کہا کہ طلبہ اور طالبات کو اپنے شعبے میں شاندار کارکردگی سے اپنی شناخت قائم کرنی چاہیے۔

انہوں نے امید ظاہر کی کہ آنے والے دنوں میں آئی آئی ایم بودھ گیا اپنی ایک منفرد شناخت قائم کرنے میں کامیاب رہے گا۔