دہلی حکومت نے میٹرو اور ڈی ٹی سی انتظامیہ کے ساتھ گذشتہ روز ایک میٹنگ کی جس میں خواتین کے مفت سفر پر تبادلہ خیال کیا گیا۔
دہلی سرکار میں وزیر ٹرانسپورٹ کیلاش گہلوت نے بتایا کہ بسوں میں خواتین کے مفت سفر کرنے کی تجویز پر ریاستی سرکار کے ساتھ گفت و شنید ہوئی ہے۔
ریاستی حکومت یہ بھی معلوم کررہی ہے کہ میٹرو ٹرین اور بسوں میں خواتین کے مفت سفر کرنے پر سرکار پر مزید کتنا خرچ آئے گا، جبکہ اندازہ لگایا جارہا ہے کہ اس اسکیم کے نافذ ہونے سے 14 سے 15 سو کروڑ روپے سالانہ سرکار پر اضافی خرچ آئے گا۔
واضح رہے کہ دہلی میں تقریباً 30 فیصد خواتین میٹرو اور بسوں میں سفر کرتی ہیں۔
