ڈاکٹر پر جنسی زیادتی کی کوشش کا الزام

اترپردیش کے کانپور کی رہنے والی خاتون نے الزام لگایا کہ نوکری دینے کے بہانے ڈاکٹر نے اس کے ساتھ زیادتی کرنے کی کوشش کی۔

خاتون کے مطابق جب اس نے اپنا بچاؤ کیا تو ڈاکٹر نے برہم ہوکر اسکی اور بچوں کی پٹائی کی۔

تفصیلات کے مطابق قدوائی نگر تھانہ علاقہ کی رہنے والی خاتون نے بتایا کہ 6 ماہ پہلے اس کے پیٹ میں درد ہوا جس کی وجہ سے وہ ریل بازار میں واقع سرکاری یونانی اسپتال میں علاج کرانے کے لئے پہنچی جھاں اسپتال کے ڈاکٹر نے اس کا علاج کرنے کے بعد ڈاکٹر نے خاتون کو اکیلا سمجھ کر اسکو اپنے اسپتال میں نرس کے عہدے پر رکھ لیا۔متاثرہ خاتون نے اس سلسلہ میں پیر کے روز اے ڈی جی پریم پرکاش کے آفس پہنچکرانصاف کی اپیل کی۔معاملے کی سنجیدگی کو دیکھتے ہوئے اے ڈی جی نے اس کی جانچ ایس پی ویسٹ کو سونپ دی ہے۔متاثرہ کی تحریر پر کیس درج کر لیا گیا ہے لیکن ابھی متاثرہ کا میڈیکل اور بیان ہونا باقی ہے اس کے بعد آگے کی کاروائی ہوگی ۔