رندیپ سنگھ سرجے والا نے کہا کہ آنے والے دنوں میں اس فیصلہ سے کئی شعبوں میں بڑے برے نتائج کا سامنا کرنا پڑے گا اس لیے وزیراعظم نریندر مودی کو اس معاملے کی صحیح صورت حال کیا ہے ملک کو بتانی چاہئے۔
کانگریس کے میڈیا شعبہ کے انچارج رندیپ سنگھ سرجے والا نے سنیچر کو یہاں نامہ نگاروں سے کانفرنس میں کہا کہ امریکہ کے جی ایس پی فہرست سے بھارت 5 جون کو باہر ہوجائے گا۔ اس کا براہ راست اثر بھارتی برآمد کنندہ پر پڑے گا اور ملک کی معیشت متاثر ہوگی۔
انہوں نے کہا کہ امریکہ نے بھارت کو اس کی اطلاع مارچ میں دی تھی لیکن مودی حکومت اس معاملے میں غیر فعال رہی۔ اس مسائل کے حل کے لئے کوئی اقدامات کرنے کی کوشش نہیں کی گئی۔ انہوں نے کہا کہ جی ایس پی نظام کے تحت ترقی یافتہ ممالک کے ذریعہ سبھی ترقی پذیر ممالک کے پیداواروںکی برآمدات ڈیوٹی میں یکساں چھوٹ ملتی ہے۔
