بگھیل نے بیجاپور ضلع کے بھوپال پٹنم میں کاغذ کے کارخانے کھولنے کے ساتھ ہی سکما کے تونگ پال، گادی راس اور جگرگنڈا میں تحصیل بنانے کا اعلان کیا ہے۔
واضح رہے کہ بگھیل نے بستر ڈیویژن کے چار مقامات پر چوپال لگائی۔
جگدل پور سے روانہ ہوکر سب سے پہلے وہ سکما کے پولمپلی پہنچے، جہاں تھانے میں جوانوں سے ملاقات کرکے ان کے مسائل پر بات کی، نکسل متاثرہ کنبوں سے ملاقات کی اور چوپال میں لوگوں سے بات چیت کی۔
واضح رہے کہ بگھیل بھوپال پٹنم پہنچے، وہاں کاغذ کے کارخانے کھولنے کا اعلان کیا، ہائی سکول میدان میں لگی چوپال میں انہوں نے کروڑوں روپے کے تعمیراتی کاموں کا فتتاح کیا۔
پولمپلی میں وزیراعلیٰ بگھیل نے نکسلیوں سے بات چیت کرنے کے لیے شرط رکھی کہ وہ پہلے ہتھیار ڈالیں۔
انہوں نے کہا کہ ہتھیار ڈالے بغیر نکسلیوں سے کسی قسم کی بات چیت نہیں ہوسکتی۔
