قیام امن کے لیے ماسکو میں کانفرنس آج

افغانستان میں قیام امن کے لیے جاری کوششوں پر تبادلہ خیال کے لیے ماسکو میں آج ایک کانفرنس منعقد ہوگی، کانفرنس میں روس، چین اور امریکہ کے نمائندے شرکت کریں گے۔

کابل میں روسی سفارتخانے کی جانب سے جاری ایک بیان کے مطابق اس کانفرنس میں امریکی نمائندہ خصوصی برائے افغان مفاہمت زلمے خلیل زاد شرکت کریں گے۔

خیال رہے کہ بیان میں اس بات وضاحت کی گئی ہے کہ سہہ فریقی اجلاس افغانستان کے معاملے پر مذاکرات کاکوئی نیا فورم نہیں، بلکہ یہ افغانستان میں قیام امن کے لیے پہلے سے جاری عالمی طاقتوں کی کوششوں کے فریم ورک کے تحت منعقد کی جارہی ہے۔