ریاست اتراکھنڈ کے وزیر اعلی تیرتھ سنگھ راوت اتراکھنڈ کے حزب مخالف رہنما اندرا ہریدیش کو خراج تحسین پیش کرنے کے لئے براہ راست دہلی سے ہلدوانی پہنچے ۔
وزیر اعلی نے کانگریسی رہنما اندرا ہریدیش کو خراج عقیدت پیش کرتے ہوئے ان کے اچانک دنیا سے جانے پر اپنے غم کا اظہار کیا۔ اس سے قبل کانگریس کے ریاستی صدر پریتم سنگھ اور سابق وزیر اعلی ہریش راوت سمیت ریاست کے متعدد سابق وزراء نے اندرا ہریدیش کو خراج عقیدت پیش کی۔
ریاستی وزیراعلی تیرتھ راوت نے اس دوران کہا کہ اندرا جی کی موت ریاست کی سیاست کے لئے ناقابل تلافی نقصان ہے، حکومت ان کے کاموں کو آگے بڑھے گی۔اتراکھنڈ ہی نہیں انہوں نے اتر پردیش کی سیاست میں بھی نمایاں کردار ادا کیا ہے۔
وزیراعلیٰ تریتھ سنگھ راوت نے کہا کہ اندرا کے وژن کو آگے بڑھایا جائے گا کیونکہ وہ ہمیشہ مجھے چھوٹے بھائی کی طرح سمجھتی تھی اور حکومت ان کے نام پر کچھ ضرور کرے گی۔ وزیر اعلی نے کہا کہ حکومت اندرا جی کے ادھورے کاموں کو بھی آگے بڑھائے گی۔
اس دوران وزیراعلی تیرتھ سنگھ راوت کے ساتھ رکن پارلیمان اجے بھٹ اور کابینہ کے وزراء بنیشھر بھگت، ریکھا آریہ اور کانگریس کے سابق ریاستی صدر کشور اپادھیائے سمیت تمام سیاسی جماعتوں کے قائدین موجود رہے۔
اس کے بعد اندرا ہریدیش کو کانگریس کے دفتر سوراج آشرم لے جایا گیا، جس کے بعد ان کا آخری رسومات ہلدوانی کے رانی باغ میں چترا شیلا گھاٹ میں کیا گیا۔
