ممبئی: بھارتی فلم انڈسٹری نے گزشتہ برسوں میں کئی کامیاب اداکار دیکھے ہیں، جنہوں نے اپنی بہترین اداکاری کی وجہ سے نہ صرف دنیا میں اپنے مداحوں میں اضافہ کیا ہے بلکہ اپنے اثاثے میں کروڑوں ڈالر کا اضافہ بھی کیا ہے۔ اس تعلق سے ایک میڈیا رپورٹ نے ایک فہرست تیار کی ہے، جس میں 2023 کے دنیا کے امیر ترین اداکاروں کو شامل کیا گیا ہے۔ ان اداکاروں کے کل اثاثے 250 ملین سے 1 بلین ڈالر کے درمیان ہیں۔ اس فہرست میں بالی ووڈ کے سپر اسٹار شاہ رخ خان کا نام بھی شامل ہے۔
رپورٹ کے مطابق اس وقت امریکی اداکار، فلم ساز اور ڈرامہ نگار ٹائلر پیری دنیا کے امیر ترین اداکار ہیں اور ان کے کل اثاثے ایک بلین ڈالر ہیں۔ اس کے علاوہ دنیا کے مشہور اسٹینڈ اپ کامیڈین جیری سین فیلڈ اور ڈوین جانسن بالترتیب دوسرے اور تیسرے نمبر پر رہے ہیں۔جیری سین فیلڈ کی کل مالیت 950 ملین ڈالر اور ڈوین جانسن کی 800 ملین ڈالر ہے۔ قابل ذکر ہے کہ اس فہرست میں چوتھے نمبر پر بالی ووڈ کے کنگ آف رومانس شاہ رخ خان ہیں۔ میڈیا رپورٹ میں کہا گیا ہے کہ شاہ رخ خان کا مجموعی اثاثہ 730 ملین ڈالر ہے جبکہ پانچویں نمبر پر پالی ووڈ کے سپر اسٹار ٹام کروز ہیں جن کی کل مالیت 620 ملین ڈالر ہے۔
| فہرست | دنیا کے امیر ترین اداکار (2023) | مجموعی اثاثۃ |
| 1 | ٹائلر پیری | 1 بلین ڈالر |
| 2 | جیری سینفیلڈ | 950 ملین ڈالر |
| 3 | ڈیوین جانسن | 800 ملین ڈالر |
| 4 | شاہ رخ خان | 730 ملین ڈالر |
| 5 | ٹام کروز | 620 ملین ڈالر |
| 6 | جارج کلونی | 500 ملین ڈالر |
| 7 | رابرٹ ڈی نیرو | 500 ملین ڈالر |
| 8 | ارنولڈ شوارجنیگر | 450 ملین ڈالر |
| 9 | کیون ہارٹ | 450 ملین ڈالر |
| 10 | ایڈم سانڈلر | 440 ملین ڈلور |
یہ بھی پڑھیں:
- شاہ رخ خان کی فلم جوان کے ٹریلر کو ٹام کروز کی فلم کے ساتھ ریلیز کیا جائے گا
- امریکی سفیر ایرک گارسیٹی نے منت میں شاہ رخ خان سے ملاقات کی
رپورٹ میں شاہ رخ خان کے قابل ستائش کاموں کا بھی ذکر کیا گیا ہے جنہوں نے 80 سے زائد فلمیں کی ہیں۔ اور ان کے اچھے کاومں کی وجہ سے انھیں یونیسکو کے پیرامڈ کون مارنی ایوارڈ سے بھی نوازا جا چکا ہے۔یہی نہیں نیوز ویک میگزین کی جانب سے کنگ خان کو دنیا کی پچاس موثر کن شخصیات میں بھی شامل کیا گیا ہے۔ انہوں نے کئی ایوارڈز بھی جیتے ہیں، جن میں 14 فلم فیئر ایوارڈز اور پدم شری کے علاوہ بھی متعدد ایوارڈ شامل ہیں۔
