تیرتھ سنگھ راوت نے آج شام چار بجے کے بعد وزیر اعلی کے عہدے و رازداری کا حلف لیا۔ وزیراعلی بنائے جانے کے بعد انہوں نے وزیر اعظم نریندر مودی اور وزیر داخلہ امت شاہ سمیت پارٹی ہائی کمان کا شکریہ ادا کیا ہے۔
اس سے قبل اپنے وزیر اعلی کے طور پر اپنے نام کا اعلان ہونے پر انہوں نے کہا کہ انہیں کبھی وزیر اعلی بننے کی امید نہیں تھی۔ وہ عوام کی توقعات کو پورا کرنے کی کوشش کریں گے۔
قانون ساز پارٹی کے ممبروں کا اجلاس بدھ کی صبح دس بجے دہرادون میں پارٹی کے ریاستی دفتر میں شروع ہوا۔ سبکدوش ہونے والے وزیر اعلی تروندر سنگھ راوت نے تیرتھ سنگھ راوت کے نام کی تجویز پیش کی، جسے مرکز کے نگراں رمن سنگھ اور پارٹی کے ریاستی انچارج دشینت گوتم کی موجودگی میں متفقہ طور پر قبول کرلیا گیا۔ بعد میں ، نامہ نگاروں کو اس کے بارے میں بتایا گیا۔
تیرتھ سنگھ راوت اتراکھنڈ کے پہلے وزیر تعلیم بھی رہ چکے ہیں۔
قابل ذکر ہے کہ پارٹی میں داخلی اختلاف کے بعد پارٹی کے اعلی رہنماؤں کے کہنے پر سبکدوش وزیر اعلی تریوندر سنگھ راوت نے منگل کو اپنے عہدہ سے استعفیٰ دے دیا تھا۔
