پنجابی گلوکار سدھو موسے والا کے قتل کیس میں پولیس نے شوٹر دیپک منڈی کو اس کے دو ساتھیوں سمیت گرفتار کر لیا ہے۔ نیپال پولیس نے کلیدی ملزم دیپک منڈی کو اس کے دو ساتھیوں کپل پنڈت اور راجندر کے ساتھ ہفتہ کو گرفتار کیا تھا۔ یہ گرفتاریاں مغربی بنگال - نیپال سرحد کے قریب کی گئیں۔ ذرائع کے مطابق سدھو موسے والا پر گولی چلانے والے شوٹر دیپک منڈی اور اس کے ساتھی کپل پنڈت اور راجندر جب نیپال کے گاؤں جھاپا پہنچے اور بھارت سے نیپال میں داخل ہونے کی کوشش کر رہے تھے تو گاؤں والوں نے ان تینوں کو بچہ چوری گینگ کا رکن سمجھ لیا اور ان کو مارا پیٹا، بعدازاں ان کو جھاپا تھانے کے حوالے کر دیا گیا۔ اس دوران تینوں زخمی ہوگئے۔Three accused of Sidhu Moose Wala murder case arrests from Nepal
تفتیش کے دوران نیپال پولیس کو گمراہ کرتے ہوئے دیپک منڈی سمیت تینوں ملزمان نے بتایا کہ وہ بھارتی تاجر ہیں اور بھارت سے نیپال جارہے ہیں۔ تفتیش کے دوران نیپال پولیس کو یہ بھی معلوم نہیں تھا کہ یہ تینوں بھارت میں قتل کے ایک بڑے کیس میں مطلوب ہیں اور دہلی پولیس اور پنجاب پولیس سمیت تمام ایجنسیاں ان کی تلاش میں ہیں۔ نیپال پولیس نے دیپک منڈی سمیت تینوں ملزمان کے شناختی کارڈ چیک کیے اور تینوں کو کہا کہ وہ اپنی کسی بھی شناخت کو تھانے میں بلائیں، تب ہی انہیں رہا کیا جائے گا۔ جیسے ہی راجندر عرف جوکر جو نیپال پولیس کی تحویل میں تھا نے اپنے قریبی شخص سے فون ڈائل کیا، اس فون کال کو دہلی پولیس نے انٹرسپٹ کیا کیونکہ دہلی پولیس کی خصوصی ٹیم پہلے ہی راجندر کے فون پر نظر رکھے ہوئی تھی۔
