عالمی یوم ایڈز کے موقع پر ای ٹی وی بھارت نے جموں میڈیکل کالج اور گاندھی نگر میٹرنٹی ہسپتال کے میڈیکل سپرنٹنڈنٹ ڈاکٹر ارون شرما سے خاص بات چیت کی۔
انہوں نے کہا کہ آج جموں میں بھی عالمی یوم ایڈز منایا گیا، جس میں پینٹنگ کے ذریعے لوگوں کو ایڈز کے بارے میں جانکاری دی گئی۔ انہوں نے کہا کہ سال بھر مختلف پروگراموں کے ذریعے لوگوں کو اس بارے میں جانکاری دی جاتی ہے۔
انہوں نے اس مہلک بیماری کو لے کر مختلف احتیاطی تدابیر بتایا کہ کس طرح اس بیماری سے انسانی جانوں کو بچایا جاسکتا ہے۔ ایچ آئی وی مہلک اور خطرناک وائرس ہے، جس سے کچھ احتیاطی تدابیر اختیار کرنے سے نہ صرف انسانی جان بچائی جاسکتی ہے بلکہ اس بیماری سے دور رہا جاسکتا ہے۔ انہوں نے بتایا کہ ایڈز بیماری صرف جسمانی تعلقات قائم کرنے سے نہیں ہوتی بلکہ اس کی دیگر متعدد وجوہات ہیں جس کی وجہ سے یہ بیماری ہو سکتی ہے۔
یہ بھی پڑھیں: ایڈز پر کنٹرول کے لیے مشترکہ ورکنگ گروپس تشکیل
انہوں نے بتایا کہ دو جسموں کے خون جب آپس میں ملتے ہیں ان میں سے اگر کسی کو ایڈز ہوتا ہے تو دوسرے کو بھی ہو سکتا ہے، جس سے واضح ہوتا ہے کہ جسمانی تعلقات کے علاوہ بھی ایڈز ممکن ہے۔ ایسے میں ایڈز کے مریض کے بارے میں کوئی رائے قائم نہیں کرنا چاہیے۔
انہوں نے مزید بتایا کہ ایڈز کے مریض کا صحیح طریقے سے علاج کرنے پر برسوں تک بھی زندہ رہ سکتے ہیں لیکن المیہ یہ ہے کہ ہمارے معاشرے میں شرم اور خوف سے کچھ مریض نہ جانچ کرواتے ہیں اور نہ ہی وقت پر علاج کرواتے ہیں جس کی وجہ سے دوسروں کو بھی اس بیماری کے زد میں آنے کا خدشہ ہوتا ہے۔
