آل انڈیا کانگریس کمیٹی کی قومی صدر سونیا گاندھی اور سابق صدر راہل گاندھی کی جانب سے جمعرات کو خواجہ معین الدین حسن چشتی کے 809 ویں عرس کے موقع پر ان کی درگاہ میں چادر پیش کی جائے گی۔
انڈین نیشنل کانگریس کے اقلیتی شعبہ کے صدر ندیم جاوید اس چادر کے ساتھ جمعرات کی صبح اجمیر شریف پہنچیں گے۔
چادر چڑھانے کی دوران ان کے ساتھ وزیر اعلیٰ اشوک گہلوت، ریاستی کانگریس کے صدر گووند سنگھ ڈوٹاسارا، سابق نائب وزیراعلیٰ سچن پائلٹ بھی موجود ہوں گے۔ اس موقع پر اقلیتی شعبہ کے قومی صدر ندیم جاوید سونیا گاندھی کا پیغام پڑھیں گے۔
قابل ذکر ہے کہ سونیا گاندھی اور راہل گاندھی کی جانب سے منگل کو دہلی میں ندیم جاوید کو یہ چار سونپی تھی، اس دوران کانگریس کے کئی سینئر رہنما موجود تھے۔
