مالیگاؤں: ریاست مہاراشٹر کے مسلم اکثریتی شہر مالیگاؤں میں شب برأت کو بڑے ہی اہتمام سے منایا جاتا ہے۔ رات بھر شہر کی تمام مساجد و قبرستانوں میں مسلمانان شہر عبادات و دعاؤں کا اہتمام کرتے ہیں۔ رواں برس بروز منگل 7 مارچ 2023 کو شب برات کے موقع پر شہر کے قلب میں واقع حمیدیہ مسجد بڑا قبرستان میں روح پرور منظر نظر آیا، جہاں شب برات کے موقع پر لاکھوں کی تعداد میں زائرین بعد نماز مغرب سے لیکر فجر کی نماز تک شہر میں موجود بڑا قبرستان، چھوٹا قبرستان اور عائشہ نگر قبرستان میں دفن مرحومین کی قبروں کی زیارت اور ایصال و ثواب کیلئے فاتحہ خوانی کی۔ شہر کی زیادہ تر مساجد میں رات کے عیام میں عبادت کا اہتمام کیا گیا۔
اس تعلق سے حمیدیہ مسجد بڑا قبرستان انتظامیہ کمیٹی کے صدر ایڈوکیٹ نیاز احمد لودھی نے نمائندے ای ٹی وی بھارت کو بتایا کہ 8 ستمبر 2006 کو بڑا قبرستان اور مشاورت چوک پر سلسلہ وار بم دھماکے ہوئے تھے، جس میں 35 افراد ہلاک اور 300 سے زائد زخمی ہوئے تھے۔ آج ان بم دھماکوں کی 17 ویں برسی ہے اور محروسین و مظلومین آج بھی انصاف کی منتظر ہیں۔ انہوں نے مزید کہا کہ اس قبرستان کی تین سو سالہ تاریخ ہے۔ 50 ایکٹر پر محیط سرسبز و شاداب خوبصورت قبرستان میں بلا تفریق مسلک لوگ زیارت اور تدفین کیلئے آتے ہیں۔ یہاں پر قبریں کچی مٹی سے ہی بنائی جاتی ہیں جہاں ہر خاص و عام کیلئے یکساں انتظام کیا جاتا ہے۔
مزید پڑھیں:۔ Holi and Shab E Barat in Mumbai ممبئی میں ہولی اور شب برأت کے پیش نظرممبئی پولیس کمشنر کی سخت ہدایات
انہوں نے کہا رواں برس بھی بڑے قبرستان میں لاکھوں کی تعداد میں آنے والے زائرین کیلئے بنیادی سہولیات، پولیس بندوبست، فائربریگیڈ عملہ، ایمبولینس سروس، سی سی ٹی وی کیمرہ، پینے اور وضو کرنے کیلئے پانی، ایمرجنسی لائٹ سسٹم اور دیگر طرح کی سہولیات کا بہترین نظم کیا گیا۔
