اننت ناگ میں فوجی جوانوں نے منایا رکشا بندهن

کشمیر میں اپنے فرائض انجام دے رہے فوجی جوانوں کا خود اعتمادی کا مادہ بڑھانے کے لیے بھارتیہ جنتا پارٹی کی سینیئر لیڈر شیلا ہنڈو نے اننت ناگ میں فوجی جوانوں کے ساتھ رکشا بندهن منایا۔

شیلا ہنڈو نے ہائی گراؤنڈ کے 127 ایئر ڈیفنس فوجی ہیڈ کوارٹر میں فوجی جوانوں کی کلائیوں پر راکھیاں باندھی اور ان کے لئے نیک خواہشات کا اظہار کیا۔ شیلا نے کہا کہ اس سے نہ صرف فوجی جوانوں کو رکشا بندھن کے دن گھر سے دور ہونے کی کمی دور ہوگی بلکہ یہ سخت حالات میں اپنے فرائض انجام دے رہے ہیں، انہیں احساس ہوگا کہ کوئی تو ہے جو یہاں بھی ان کا ہے۔

ان کے مطابق ایسے پروگرام کے انعقاد کرنے سے فوجی جوانوں کا حوصلہ بھی بڑھ جاتا ہے اور انہیں گھر کی کمی بھی کم محسوس ہوتی ہے۔ بعد میں اس حوالے سے ہائی گراؤنڈ میں ایک تقریب کا بھی اہتمام ہوا۔