شہر اندور میں سوشل ڈیموکریٹک پارٹی آف انڈیا اور پاپولر فرنٹ آف انڈیا کے کارکن ڈی آئی جی دفتر پہنچے اور ڈی آئی جی کے نام ایک میمورنڈم دے کر مطالبہ کیا کہ شہر کی گنگا جمنی تہذیب کو نقصان پہنچانے والے شرپسندوں کے خلاف سخت کارروائی کی جائے۔
سوشل ڈیموکریٹک پارٹی آف انڈیا کے ضلعی صدر ڈاکٹر ممتاز قریشی نے کہا کہ گزشتہ چند دنوں سے شہر میں پولیس کی موجودگی میں کئی ایسے ناگوار واقعات پیش آئے ہیں جو شہر کے امن و امان کو نقصان پہنچاسکتے ہیں۔
انہوں نے بتایا کہ پہلا واقعہ پرپٹری نعت تھانے کا ہے جہاں پرتاپ کرو سیاہ نامی شخص نے پولیس کی موجودگی میں بمبئی بازار مسلم علاقے میں صاف و صفائی نہ کرنے کی دھمکی دی، دوسرا واقعہ پتھر موڈلا کا ہے جاں ہندو وادی رہنما مسلمانوں کو مارنے اور کاٹنے کی دھمکی دے رہے ہیں، وہیں تیسرا واقعہ یوم آزادی کے موقع پر بھارتیہ جنتا پارٹی کے اسٹیج سے ایک لڑکی مسلمانوں کو مارنے کی دھمکی دے رہی ہے۔
مزید پڑھیں:۔ پی ایف آئی کے 2 ارکان کا کیس سی بی آئی کے حوالہ کرنے سے عدالت کا انکار
انہوں نے کہا کہ پولیس کی موجودگی میں یہ واقعات پیش آرہے ہیں، اس کا مطلب یہ ہے کہ ہندو وادی سنگھٹن کے رہنما شہر میں فساد پھیلانا چاہتے ہیں۔ ہم نے آج ڈی آئی جی کے نام ایک میمورنڈم دیا ہے، جس میں مطالبہ کیا ہے کہ ان پر مناسب کارروائی کی جائے اگر کارروائی نہیں کی گئی تو پھر ہم تھانے کا گھیراؤ اور غیر ذمہ دارانہ بیان بازی کرنے والے رہنماؤں کے گھروں پر مظاہرہ کریں گے۔
