ناٹو کے سکریٹری جنرل جینز اسٹولٹن برگ نے کہا ہے کہ یوکرین میں روسی افواج پھر سے جمع ہورہی ہیں تاکہ ملک کے مشرقی حصے میں مزید شدید حملے کئے جاسکیں۔ انہوں نے کہا کہ شہروں میں گولہ باری جاری ہے۔ روس پھر سے اپنے کچھ فوجیوں کو مختلف حصوں میں بھیج کرکے ان کو دوبارہ تعینات کر رہا ہے تاکہ وہ ڈونباس کے علاقے میں اپنی کوششیں تیز کر سکے۔ دریں اثنا برطانیہ نے کہا کہ روس جارجیا سے 1200 سے 2000 فوجیوں کو لے جارہا ہے تاکہ یوکرین میں موجود فوج کو زیادہ طاقتور بنایا جاسکے۔ Russian Forces Are Regrouping In Ukraine Says NATO
دوسری جانب ماسکو نے منگل کو کہا تھا کہ ان کی طرف سے شمالی یوکرین میں فوجی کارروائی کو کم کر دی جائیں گی اور جنوب مشرق میں ڈونباس علاقے پر توجہ مرکوز کی جائے گی۔ دریں اثنا یوکرین کی فضائیہ نے مغربی ممالک سے مزید تعاون کی اپیل کرتے ہوئے کہا ہے کہ ان کے پاس ابھی بھی پرانے طرز کی مشینیں ہیں، جو کہ روس کا مقابلہ کرنے کے قابل نہیں ہیں۔
(یو این آئی)
