نریندر مودی نے بی جے پی پارلیمانی پارٹی کے اجلاس کی صدارت کرتے ہوئے کہا کہ پیر کے روز راجیہ سبھا میں کافی کم تعداد میں بی جے پی کے ارکان موجود تھے۔ انہوں نے اس پر ناراضگی کا اظہار کیا۔
اس دوران راجیہ سبھا میں قبائل سے متعلق ایک بل کو سلیکٹ کمیٹی کو بھیجنے کی تجویز منظور ہوگئی تھی۔ بل کے حق میں 44 اور مخالفت میں 79 ووٹ پڑے۔
وزیر اعظم نے اولمپک میں بھارتی کھلاڑیوں کی کارکردگی کو سراہا اور تمام اراکین پارلیمنٹ پر زور دیا کہ وہ کھیلوں کو فروغ دیں۔
اولمپک میں بھارت کی کارکردگی کی تعریف کرتے ہوئے انہوں نے ممبران پارلیمنٹ سے اپیل کی کہ وہ کھیلوں کو فروغ دیں اور ساتھ ہی تغذیے کی کمی کے مسئلے پر توجہ دینے اور پردھان منتری غریب کلیان انّ یوجنا کو فروغ دینے کی اپیل کی۔
واضح رہے کہ مانسون سیشن کا یہ آخری ہفتہ ہے اور بی جے پی پارلیمانی پارٹی کی یہ آخری میٹنگ تھی۔
