ریاست اترپردیش کے ضلع سہارنپور میں ہولی اور الیکشن کی جیت کے پیش نظر پولیس نے بھاری مقدار میں ناجائز شراب کے ساتھ پانچ اسمگلروں کو گرفتار کیا ہے۔ Liquor Smugglers Arrest
سہارنپور ضلع کے نانوتہ تھانہ علاقے میں واقع ایک فیکٹری میں بھاری مقدار میں غیر قانونی شراب بنائی جا رہی تھی، جہاں نانوتہ پولیس کو ایک بڑی کامیابی ملی ہے۔ ہولی اور انتخابی جیت کے پیش نظر یہ شراب تیار کی جا رہی تھی جس میں انگریزی شراب کی بوتلوں کے ریپر اور دیسی شراب کی بوتلیں بڑی مقدار میں تیار کی جارہی تھیں۔ اس موقع پر پولیس نے چھاپہ مار کر بھاری مقدار میں ناجائز شراب کے ساتھ پانچ شراب اسمگلروں کو گرفتار کیا۔
پولیس کی کامیابی کو دیکھتے ہوئے سہارنپور کے ایس ایس پی آکاش تومر نے اس کارروائی کی تعریف کی۔ پولیس کا کہنا ہے کہ تھانہ صدر کی حدود میں ایک فیکٹری میں نانوتہ پولیس کو بڑی کامیابی ملی ہے، پولیس نے پانچ شراب اسمگلروں کو گرفتار کر لیا ہے اور بڑی مقدار میں شراب کی بوتلیں برآمد کی ہیں۔
ایس ایس پی نے بتایا کہ یہاں کافی عرصے سے شراب کی اسمگلنگ کا کام جاری تھا، جہاں پولیس نے چھاپہ مار کر بڑی کامیابی حاصل کی ہے، پولیس ٹیم کو اپنی طرف سے 25000 روپے بطور انعام دیا جائے گا۔
