وزیراعظم نریندرمودی نے ملک میں ٹیکہ کاری کی رفتار بڑھانے والوں کو مبارکباد دیتے ہوئے ملک کے تمام باشندوں کو مفت ویکسن کے سرکار کے عزم کا اعادہ کیا۔
نریندر مودی نے پیر کے روز ایک ٹویٹ پیغام میں کہا ’’ہندوستان کی ٹیکہ کاری مہم رفتار پکڑ رہی ہے۔ اس کوشش کو آگے بڑھانے والوں کو مبارکباد۔ ہمارا عزم سب کے لےے ویکسن اور سب کو مفت ویکسین ہے‘‘۔
وزیر اعظم نے اپنے ٹویٹ کے ساتھ مرکزی وزارت صحت اور خاندانی بہبود کا ویکسینیشن سے متعلق ایک گرافکس بھی شیئر کیا ہے۔ اس میں ملک میں ٹیکہ کاری کی تعداد اور بیرون ملک میں ٹیکہ کاری کی تعداد کے تقابلی اعداد و شمار دیئے گئے ہیں۔
مزید پڑھیں:
ان اعداد و شمار کے مطابق ہندوستان ٹیکہ کاری کے معاملے میں امریکہ کو پیچھے چھوڑ کر دنیا میں سب سے آگے پہنچ گیا ہے۔
-یواین آئی
